Allir lærarar á skeið í samvirknari talvu
Mánadagin 3. og týsdagin 4. okt. 2011 fara allir lærarar skúlans á skeið í samvirknum talvum, og tí hava næmingarnir í 1. - 7. flokki frí hesar dagar!
Forskúlin er í skúla sum vanligt!
Nærri um skeiðið:
KT-skeið um samvirknar talvur er partur av eini stórari verkætlan, sum verður skipað í øllum fólkaskúlanum tey bæði skúlaárini 2011/12 og 2012/13.
Til samans fimm skúladagar verða brúktir hesi skúlaárini. Tríggir dagar til KT og tveir til fakliga lesing. Nám samskipar verkætlanina í samstarvi við Mentamálaráðið og skúlaleiðslurnar. Verkætlanin verður skipað úti í skúlunum, so allir lærarar kunnu vera við, so útgerð, sum er í skúlunum, kann verða brúkt.
Endamálið er at geva lærarum førleika at nýta samvirknu talvuna, ActivBoard, SmartBoard, CleverBoard, ella Qomo sum eitt natúrligt amboð í undirvísingini. Umframt samvirknu talvurnar verður ein dagur við kunning um FirstClass og Snar.
Skeiðið er skipað í trimum stigum. Fyrsta stigið er býtt í tveir partar, 1a og 1b. Lærarar, sum ikki hava tørv á stigi 1a, fara ístaðin á 1b. Allir lærarar taka annað og triðja stig.
1a. Grundleggjandi undirvísing í samvirknu talvuni
1b. Aðrir grundleggjandi møguleikar við samvirknu talvuni
2. Nýggjastu møguleikarnir í samvirknu talvuni
3. Verkstova
Undirvísarar í KT eru Sólvá Jónsdóttir og Heini Nygaard, ráðgevar í Námi. Tey hava bæði drúgvar royndir við KT í undirvísingini og hava tikið nógv skeið innan KT og didaktikk bæði í Føroyum og uttanlands.
