Leys størv
Sankta Frans skúli
Varðagøta 10 - 100 Tórshavn.
Tlf. 302530 – Fax. 302531
www.sankta.fo
Lærarastørv í Sankta Frans skúla
Lýst leyst til setanar frá 1. august 2010
Søkt verður eftir 8 lærarum
· 3 lærarum í fast starv frá 1. august 2010
· 4 lærarum í tíðaravmarkað starv skúlaárið 2010/11. Størvini eru fulltíðarstørv
· einum lærara í parttíðarstarv, sum er tíðaravmarkað skúlaárið 2010/11
Tíðaravmarkaðu størvini og parttíðarstarvið eru fyri lærarar, ið hava farloyvi, lækkað tímatal, tímar vegna serligan tørv og at lesa avlopstímar
Søkt verður eftir lærarum, sum:
- undir ábyrgd leiðslunnar og í samstarvi við lærarar skúlans skulu undirvísa og taka lut í dagliga arbeiði skúlans
- leggja dent á fakliga og námsfrøðiliga menning
- duga at samstarva og eru fyrikomandi
- eru fúsir at taka á seg tær uppgávur, ið eru í skúlanum
Harafturat skulu lærararnir hava førleika at átaka sær eina ella fleiri av hesum uppgávum:
- flokslæraraarbeiði
- undirvísa í ítrótti/svimjing
- undirvísa í føroyskum, enskum, donskum og støddfrøði
- undirvísa í tónleiki
- undirvísa í handaligu lærugreinunum
Førleikakrøv:
Læraraútbúgving og linjulestur ella samsvarandi førleika í nevndu lærugreinum/lærugreinaøkjum.
Læraralesandi, sum vænta at taka prógv í summar, eru eisini vælkomin at søkja størvini.
Lønar- og setanartreytir:
Størvini verða lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag. Tímatalið til parttíðarstarvið verður ikki endaliga ásett fyrr enn 1. sep. 2010
Umsóknir:
Umsóknir við avrit av prógvi, CV og møguligum viðmælum skulu verða skúlastjóranum í hendi í seinasta lagi týsdagin 27. apríl 2010. kl. 12.00
Nærri fæst at vita um størvini hjá Selmar Jacobsen, skúlastjóra, á telefon 302532/220716 ella hjá Jákup Lindberg, varaskúlastjóra, á tlf. 302533/282533.
Í Sankta Frans skúla eru 300 næmingar í forskúla til 7. flokk. Í skúlanum starvast 30 lærarar. Skúlin hevur ein lærarahóp, ið fakliga røkkur víða, og arbeitt verður alsamt við at menna skúlan
